منتديـات الفكـر الحـر ..

مساحة للتعبير عن رأيك بكل حرية لايمنعك الا اخلاقك ودينك وخوفك من الله تعالى
 
الرئيسيةالرئيسية  دردشةدردشة  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  دخولدخول  
اهلا بكم في منتديات الفكر الحر وحرية التعبير .. نتمنى لكم اقامة طيبة بين ربوع افكار ومشاعر واراء خطتها اقلام بكل صدق .. مرحبا بكم
يارب الى من سواك نشكوا ضعف قوتنا وقلة حيلتنا وهواننا على الناس ؟يارب هذا الخنزير واعوانه المجوس عاثوا في البلاد الفساد فخذهم اخذ عزيز مقتدر وانت القوي العزيز انهم لايعجزونك يااالله
اللهم سلط على الخنزير بشار الاسد جند من عندك يسومونه ومن يعينه ويسانده ويؤيده بسفك دماءنا وقتل اطفالنا وتدمير بيوتنا وتهجير عوائلنا وتعذيب شبابنا سوء العذاب يااااااااارب ياااااالله يا قادر ويا مقتدر يارب العالمين
ياااااااااربنا ياجبــــــــــار ...خلصنا من اللخنزير بشاااارِِِ «كلمة حق تشفع لك عند الله يوم القيامه لاتبخل بها اينما تواجدت ولاتخشى الا الله فذلكم الشيطان يخوف اولياءه فلاتكن وليا للشيطان بصمتـــــــــــــــــــــــــــك على جرائم العصابات الاسدية المجوسية فلن تموت الا باجلك الذي قدره الله لك ولو اجتمع اهل الارض والسماء على ان يضروك بشيء ما كتبه الله عليك فلن يضروك كن مؤمننا بما تردده طوال عمرك بانك لن تموت الا بساعتك واصرخ باعلى صوتك بانكار المنكر الذي لم يعد يخفى على احد »
عاشــــــــــــــــــــــــــــت سورية ويسقط بشار الكلب
يا الله نرجو رحمتك يا رب لا اله الا انت سبحانك اني كنت من الظالمين
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأكثر شعبية
اوراق مبعثرة
(( أسماء الله الحسنى ))
تفضل بدعاء لوجه الله تعالى عسى ان يستجاب لك
تفسير الاحلام إبن سيرين
ربَي . . عوضنيّ بمآ هو خيرٌ ممآ خسرت !
كلمات جميله عن التفاؤل بالحياه
سيكاره وكأس شاي...وبعض الكلام
طريقة عمل ورود بشريط الستان
شاركونا بحكمة اليوم ...
ألف ليلة وليلة
لحظة من فضلك
*********
الأمـاكن آه ياسخف الأماكن ، ، لانظرت ، ، ولالقيتك لاتنهدت ، ، وشكيتك ولاأنتهى ليل المولع دون وصلك وأنتهيتك ، ، الأماكن كلهااااا نفس~~الأماكن كلهااااا نفس الأماكن!!!! هــم ، ، وأشـــباح ، ، ومســاكن ، ،..
بحـث
 
 

نتائج البحث
 
Rechercher بحث متقدم
دعاء
= يااالله=ربنا اكشف عنا العذاب إنا مؤمنون==ياالله==ربنا اكشف عنا العذاب إنا مؤمنون يارب زلزلنا ونصرخ ونقول متى نصرك ياالله؟
المواضيع الأخيرة
» اوراق مبعثرة
الخميس أغسطس 17, 2017 3:56 pm من طرف ساندي بيل

» من نفس عن مسلم كربة
الأربعاء يناير 20, 2016 4:28 am من طرف همسات

» ...شغلة حلوة بنعملها....
الأربعاء يناير 20, 2016 4:27 am من طرف همسات

» كيكة التفاح مع القرفة والجوز الشهية لااااا تقاوم.
الأربعاء يناير 20, 2016 4:20 am من طرف همسات

» نزار قباني
الأربعاء يناير 20, 2016 4:15 am من طرف همسات

» الاحلام تعطي دروسا خصوصية مجانا
الأربعاء يناير 20, 2016 4:10 am من طرف همسات

» سيكاره وكأس شاي...وبعض الكلام
الأربعاء يناير 20, 2016 4:05 am من طرف همسات

» كل شهودى بقلبكِ ماتوا !!
الأربعاء يناير 20, 2016 3:52 am من طرف همسات

» الله يغفـــر ذنبهــا
الأربعاء يناير 20, 2016 3:48 am من طرف همسات

» (( يا ساكنَ الروح ))
الأربعاء يناير 20, 2016 3:44 am من طرف همسات

» إنى وفيـــتُ لك ِ الـــــوداد
الأربعاء يناير 20, 2016 3:38 am من طرف همسات

» رسالة وداع
الأربعاء يناير 20, 2016 3:34 am من طرف همسات


شاطر | 
 

 قصيده زوج لزوجته ( منقوله )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
راهب الفكر

avatar

عدد المساهمات : 3096
تاريخ التسجيل : 22/11/2011
العمر : 38

مُساهمةموضوع: قصيده زوج لزوجته ( منقوله )   الخميس مايو 10, 2012 8:25 pm


قصيده زوج لزوجته



حبيتك لإلتزامك . . . . . حبيتك لاحترامك
حبيت فيكي التواضع . . . . .والعزة اللي ف كلامك
مبسوط منك لأنك . . . . .إسلامك كل همك
أنا أصلي قابلت بابا . . . . . واداني فكرة عنك
وسألته عن طباعك . . . . . إن كانت يعني هادية
فحكالي عن سماعك . . . . . لكلامه وانت راضية
وازاي بتسلي نفسك . . . . .بذكرك وانت فاضية
وحلاوة صوت تلاوتك. . . . . .وإزاي بتكوني شاديه


وسألته إن كنتي فاهمة . . . . معنى كلمة زوجين
قالي هتكونوا ورقة . . . . . . مطبوعة نسختين
غني كنت أو فقير . . . . . . ليك عند بنتي دين
سرك هيكون في بير . . . . . معرفش مكانه فين
تفضل دايماً كبير . . . . . . . في نظرها حبتين
لو جيت بفلوس كتير . . . . . تطمن جت منين


هتكون دايماً معاها . . . . . . سيرتك هتكون هواها
والشوق اللي ف خيالك . . . . .. . . تلقاه لحظة لقاها
لو جيت زعلان ف مرة . . . . . . . إرمي همومك وراها
ومهما شوفت بره . . . . . . مش هتشوف مستواها
واطمن يابني خالص . .. . . . عقلها مافيهوش تفاهة
وزي ما هي بنتي . . . . . .. بنت حماتها وحماها


وسألته عن ولادي . . . . . . . . منك هيكونوا إيه؟
قاللي هيكونوا عادي . . . . . . . فسألته يعني إيه؟!
قاللي العادي إللي كان . . . .. . . . عند الناس من زمان
العادي بتاع سراقة . . . . . .. . . وحذيفة بن اليمان
العادي بتاع أسامة . . . . .. . . وابن الحكيم لقمان


ده العادي بتاعنا إحنا . . .. . . . . بنربي عليه عشان
لو جينا ولا رحنا . . . . . . هنقابل الرحمن
عمرك ما تخاف عليهم . . . . . . . . ولادك في الأمان
أنا بنتي هتربيهم . . . . .. . . ع السنة والقرآن
هتشوف ابنك بيصحى . . . . . . . مادام سمع الأذان
ينزل في الفجر يقرا . . . . . .. . . بالسجدة والانسان
هتشوف في حجاب بناتك . . . . . . . . العفة والإحسان
هتشوف إزاي مراتك . . . . .. . . هتعينك إنت كمان


وسألته عن حياتك . . . . . . . من قبل الالتزام
قال أتذكر في ليلة . . . . . . . . مش فاكر أنهي عام
أذان الفجر أذن . . . . . . . وقالتلي سيبني أنام
فدخلت الأوضه جوه . . . . . . .. . أجيب منها الحزام
وعبال ما رجعت تاني . . . . .. . . كات رجعت ف الكلام
الله يجازي الشيطان . . . .. . خلاها تقول أنام
بس اطمن خلاص . . . . . دلوقتي بقت تمام!


قدملي مكة كولا . . . . . . . . قاللي اتفضل وسمي
أحسن من سكة كولا . . . . . . . . صدقني وخدها مني


قلتله طيب ياعمي . . . . . . . يسعدني أقولك إني
بطلب بنتك ونفسي . . . . . . . تناسبني وترضى عني
راح شادد فجأه لبسي . . . . . . وقلب وشه وسألني


حافظ كم جزء يابني . . . . . . . . وقاري كم كتاب
احكيلي كده عن مؤت . . . . . . أوغزوة الأحزاب
وسمع كم حديث . . . . . . . . في الأخذ بالأسباب
وكمان سمعلي آيه . . . . . . . ذكرت فيها الدواب
ولو شايفها صعبة . . . . . . . . قللي بتاعة الذباب
واحكيلي حلم يوسف . . . . . . . . وبراءة الذئاب
واخواته لما جولوه . . . . . . . دخلوا من أنهي باب
واديني فكرة برضه . . . . . .. . بتقبض كم ثواب
وناوي ازاي تحسن ..............أنا شايفك لسه شاب


وسأل نفسه وسألني . . . . . . . . هيعوز إيه يعني مني؟
لو عندي كل حاجه . . . . . . . وديني مش شاغلني
أحسن لك تنسى بنتي . . . . . . . ومهرك مش لازمني
قلتله صبرك ياعمي . . . . . . . . وبراحتك امتحني
يبقى اما أسأل تجاوب . . . . . خليك دايماً فاهمني
سألتك وانت ساكت . . . . . . . . خليتني أظن ظني
وفضل يسأل واجاوب ... . . . . وعشان خاطرك عصرني
وظهرت النتيجة . . . . . . . .. وبفضل الله قبلني


قاللي مقبول في نظري . . .. . . . مبروك عليك ياسيدي
لكن في نظرها هي . . . . . . . . نجاحك مش بإيدي
وهي زمانها راجعة . . . . . . . . من تمرين السويدي
خليك قاعد شوية . . . . . . . . .استنا لما تيجي
هعملك من إيديا . . . . . . . كباية شاي صعيدي


سابني وقعدت أفكر . . . . .. . . . هل ممكن ترفضيني
طاب قولي حتى أفكر . . . . . . . . مش يمكن تفهميني
وفضل مخي يلاعبني . . . . . . . . يجيبني ويوديني
وخايف م المقابلة . . . . . . . . .مرعوب بينك وبيني
ودق الباب في ثانية . . . . . . . وشوفتك مرة تانية
مش قادر أنسى يومها . . . . . . . . وفاكر كل ثانية


ونده والدك عليكي . . . . . . . عشان أول لقاء
دخلتي وشوفت وشك . . . . . . . . . عليه نور الحياء
نور والله فعلاً . . . . . . . . مش نور بودرة وزواء
كان أول مرة أخاف . . . . . . من فتنة النساء
أخلاقك مش عادية . . . . . وجمالك كان شفاء


قعدتي جنب والدك . . . . . . . . وسألتيني وجاوبتك
وفكل مرة أجاوب . . . . . . . . كنت باشوف ابتسامتك
ف أقول من جوه نفسي . . . . . . . . يارب أكون عجبتك
وبعد شوية قمتي . . . . . . . ندهت عليكي مامتك
ورحتي دخلتي جوه . . . . . . . وراح وراكي والدك
وانا قلت مش مروح . . . . غير لما أكون خطبتك


وابوكي جاني تاني . . . . . . . . وقرب من وداني
لابس كرفته سوده . . . . . . . . وبدله لون فراني
المنظر يعني كله . . . . . . . . ميدلش ع التهاني
قلتله مالك ياعمي . . . . . . من فضلك قول عشاني
عرقي غرقلي كمي . . . . . . . سايبني ليه أعاني
قاللي مستني إيه . . . . . . . فين إيدك إديهاني
البنت مش موافقة . . . . . . . تتجوز حد تاني


كان أول مرة أعرف . . . . . . . . إزاي الناس بتفرح
سعادتي كات غريبة . . . . . مش ممكن هقدر أشرح
من كتر حبي ليكي . . . . . . نويت أضحي وادبح
رحت اشتريت خروف . . . . . . وكان خروف بينطح
ده أخيراً هبقى جوزك . . . . وشجرة صبري تطرح


خطوبتنا كات بسيطة . . . . . . . . مكانش فيها زيطة
وفرحنا كان في جامع . . . . . . . يعني مش خلطبيطة
ومامتك جت في يومها . . . . . . ورقعت كام سويطة
هاتولي بنتي منه . . . . . . . دي مش فاهمة العبيطة
إنه هيخطفها مني . . . . . . وهتوحشني الغتيتة


صعبت عليا مامتك . . . . . . . . . الموقف كان شديد
لكن فعلاً خطفتك . . . . . . . ورحنا مكان بعيد
فاكرة ولا انتي ناسية . . . . . . . أكيد فاكرة أكيد
من يوم ما بقيتي زوجتي. . . . . . وانا متهني وسعيد
معايا ف كل يوم . . . . . . . ويوم لؤاكي عيد
عمرك ما دقتي نوم . . . . . . وانا تعبان أو مريض
فلوسي كات بتكتر . . . . . . . والخير عندك يزيد
وعامله ليه دفتر . . . . . . . ومرتبه المواعيد
وبفضل الله قدرتي . . . . . . . وجبتيلي الوليد
وبعديها بشوية . . . . . . . . جبتيلنا عليه يزيد
وبعديه جت سمية . . . . . وآخرهم كان حميد


بدعيلك كل يوم . . . . . . . . . وأفضل أعيد وازيد
ربيتي عيالي دول . . . . . . . . ع القرآن المجيد
طول عمرك وانتي صافية . . . . . قلبك لون الجليد
أخلاقهم مش عادية . . .. . . . . طلعنلك مش بعيد
وليد دلوقتي ضابط . . . . . . . ومعاه رتبة عقيد
ودعوة قلبي صابت . . . . . . . ويزيد أهو مات شهيد
وبنتك صيدلية . . . . . . . . . وحميد أصبح معيد
الله برحم أبوكي . . . . . . .. . راجل من نوع فريد
كل اللي قاله فيكي . . . ... . أنا عشته بالتحديد



عشت معاكي ف حكاية . . . . .. . أحلى وأجمل رواية
حكايتي كات معاك . . . . . .. . . وحكايتك كات معايا
اديتك كل عمري . . . . . . . . . وهمك كان رضايا
وعمرك خدته منك . . . . . . . . . وقربك كان دوايا
وخلاص العمر راح . . . . .. . . . راحت أيام صبايا
ومسافر رحله صعبة . . . . . . . وزادي مش كفايه
مش عاوز أشوف دموعك . . . . . . بالذات ف يوم عزايا
أنا عارف إنتي عارفة . . . . . . إن الموت مش نهاية
دي لسة الرحلة طالعة . . . . . . والموت خط البداية
إدعيلي يمكن أوصل . . . . . . . وأشوف هناك حمايا
أنا عارف إنه فيها . . . . . . . محجوزله هناك سرير


وسلامي في النهاية . . . . . . . أنا خلصت الحكاية
لو يوم فكرتي فيه . . . . . . إقري شعري وغنايا
وأمانه ف كل مرة . . . . . . تدعي لي بالهداية
عسى ربي بدعائك . . . . .. يغفر ليا الخطايا

************

منقوله والله عشان خاطركم










الرجوع الى أعلى الصفحة اذهب الى الأسفل
 
قصيده زوج لزوجته ( منقوله )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـات الفكـر الحـر ..  :: مشاعر يكتبها قلب :: همسات مشاعرهم - منقووووول --
انتقل الى: