رباعيـــات محمـــد منســــي

( 1 )

سلمهــــا للمولى لا تحتاج ولا تنضـــــام

واللى يسلمهـــــــــا بيقضي حيـــاته سلام

ومـــــا دمت تتمـــنى خيـــــر للنـــــــــاس

أصل الجزاء يعنى من جنس العمل يا سلام

*********

( 2 )

يا قاطــف الورد ايــدك تنجــرح م الشوك

الورد ع الغصــن عمـره ما خلى م الشوك

اياك تصـــدق حــلاوه تيــجى من غـير نار

حتى طريــق السعــــــاده ما خلى م الشوك

***********

( 3 )

اعمـل حســــابك ولا تنسي حســاب بكره

واعرف بأن العمـــــل للفكــره والذكـــري

خليك مع الناس سليم عشان تعيش محبوب

واللى انت كارهــه النهـــارده تطلبه بكــره

**********

( 4 )

احبس دموعك وخلــّى شكوتك لله

هو اللى عالم بخلقه فى دنيته وعُلاه

سلمها لله دا غـير المـــولى ما تلاقي

والصبر أحســـن دوا للى دليلـــه تاه

**********

( 5 )

سيبك من الدنيا واوعى سحرها يغرك

واحفظ لسانك واعمل شكوتك ســـــرّك

خير الكلام يا ابن العــم ما قلّ لكن دلّ

أما الكلام الكتير يأذيك وح يضــــــرك

*************

( 6 )

لو كانت النـــاس بتقبل عـــذر بعضيها

والود يكتر ما بــــين النـــاس وبعضيها

كان الشيطان يندفن من حسرته ويموت

ونعيش فى جنـــه فى الدنيـــا وما فيهـــا

**********

( 7 )

ياللى بتشـكى الزمن هـــــــو الزمن ماله ؟

عمر الزمن ما صرف على حد من ماله

اللى بيــزرع بيفــرح بالثمـــــر وينــول

واللى يكسـّــل بقـــي مـــالى أنـــا وماله

*******

( 8 )

اوعى العدو مره واحذر الصديق 100

الضحك يامــــا وبس الأساس نـيــّـــه

وابحث عن خل صادق تاخده صديـــق

طيب وعنــده ضمــير وف قلبه حنيـّــه

***************

( 9 )

الدنيا مســـرح وأعطـــاك الإلـــه دورك

بتقــــولك إبقي إحسنه لمــا يحين دورك

اوعى تمــاشي الردى وتصاحب البطال

وان يوم صاحبت صاحب حد من دورك

**************

( 10 )

الله يجــازى اللى بيـبــص لنـِعَم غـــِـيره

راجل حسودى وناهــب بالحسد غِـيـــرُه

عمْر الحسود ما يسود والمولى بيعاقبـــه

وبيحرمه فى الحياه من نِعَمُه ومن خيرُه

*************

( 11 )

عجبي على ناس بترضي بالقليل وتعيش

وتحمـــد الله على القسمـــه ولا تشكيـــش

الشكــــوى للعبـــد لا بتنفــع ولا بتفيـــــد

واللى بيــرضي بقليــله أغنى منـه مفيـش

***********

( 12 )

من قــــدّم السبت يتـــردّ له فى الحـــدّ

وكل شئ فى الحيــــاه بالمصلحه والحدّ

والقطــــه لــو حــدّ عاكسهـــا بتخــربش

فيه حد فى الدنيا دى أحسن بقي من حدّ ؟؟

*************

ررائع ايها الراهب
سلمت يداك
وفتح الله عليك
يمكن يجي يوم اغنيها باللهجة المصرية على مايك الاحباب Very Happy

وخلي ام كلثوم تنتحر
دمت لنا ولاحبابك بكل خير
لابداعاتك متابعون

( 13 )

الجمع والطرح غير الضرب والقسمه

تعمــــل حســـابك تلاقي كل شئ قسمه

والورد فى الفضـه ويــاه يشرب العليق

واللى يخاف م الهــوا يهرب من النسمه

*************

( 14 )

احمد الهك وصلى واعبــده للذات

بقلب خالص لا للنيران ولا الجنـات

الرب موجود وعبده له كتير محتــاج

والحسنه عنده بيحسبها عشر حسنــات

********

( 15 )

يا داخل الحي خد من كَـرْمنا وإدّى

حافظ على ودنا وحــــافظ على ودّى

الدنيا فيها العجب وكل شئ بحســاب

بالود يبقي كدا يوم عندك ويوم عندى

***********

( 16 )

الفجــــر شـقشــق وخلـّـى وردنــــــا فتـّـح

والشمس طلعت عليه من فرحهـــا تصبـّـح

وآدى احنا قاصدين كريم من خيره يرزقنـا

واللى بيقصــــد كريــم فى كل شئ ينجـــح

***********

( 17 )

أمانه ياللى سرقــــــت الود لا ترده

وتخللى شرط الحبايب لا يفوق حـدّه

الحلو للحلـــو والوحشين مــش منـّـا

وايه ح نعـمل بقي يا قلبي ما بيـــــدّه

****************

( 18 )

منيـــن أجيب ناس تواسيـني على حـالـــى

أنا بعت قلبي رخيص وما باحسبوش غالي

الله يجــــازى السبب اللـى كـــوانى بـنــار

وأشوفـــه فى الحـــب يجــراله ما يجـرالى

**********

( 19 )

هات القلم والورق واكتب يا قلبي جواب

عن فرقتى ولوعتى وبعدى عـن الأحباب

رَدّ القـلــم ع الألـــم زوّد لـــى آلامــــى

حتى الورق اتحــــرق والقلــب فـيّ داب

**********

عدد المساهمات : 916 تاريخ التسجيل : 16/07/2011

عم بنتقل من مكان الي مكان الانتقاء بل كلمات اعجبني كتير تقبل مروري

( 20 )

يـــاللى بتـبكـى بلاش

يضنـــى البكا عـــودك

دى الدنيـــــا ما تسواش

دمعــــه على خــــدودك

***********

( 21 )

سيــب اللى يجـــرا يجــرا

دا كل شــئ لـــه وعــــــده

وخــللى بكـــــره لبكـــــره

وخــــللى بعـــــده لبـــــعده

***********