((( الجوهره المحبوكه فى قصة (( محروس ومبروكه ))

الجوهره المحبوكه
فى قصة
(( محروس ومبروكه ))
***********
بسم الإله الكريم يحلا الكلام والـــــقول
ونقول كلام يتسمع له حتى ع الأرغـول
عن قصه حصلت وكل الكون سمع بيها
فيها مواعظ وفيهــــــا كل شئ معقــول
*******
القصه دي حدثت فى قريه بالزقازيق
ولا حد غير أهلها يعرف إليها طريق
قصــه عجيبــــه تشوف العجب يدهش
فيه حد يقدر يقول : البغل فى الأبريق
***********

القصــــه تبدأ فى ليله بدرهــــا طـــــالع

والنور على الدنيا زاد والنجم فى الطالع

ومراة سيد أحمــد عاونهــــا ربنا وولدت

مـبروكه : سمّــاها أبوهـــا وشمعهـا والع

********

مبروكه طلعت صبيه فى الجمـال آيه

بديعـــــة الحسن الضحكه منهـا كفايه

وأبوها راجل مزارع كان فقير الحال

وعمهـــــا كان غنى أطيـــــانه بكفايه

******

أيــــام تفوت والزمــــن فى سكتــه يجري
والبنت تكبـــــر وكانت زرعهــــــا بدري
والورد فتــّــح على خدودها وفرد عودهـا
خـُـطـّـاب لأبوها كتير جت بالعجل تجري
******
اللى يقــــدم دهب واللى يضحى فلوس
واللى يقبل أيـــــادى أهلهــــــا ويبـوس
لكن أبوهــــــا يقول للخاطب الولهـــان
مبروكه مخطوبه لإبن عمها محـروس
******

محروس دا ابن الغنى اللى الزمــان اعطاه
له أخ فوق راسه اسمه مصطفي : ما احلاه
شاطـــــر وفى المدرسه طالــــع ذكى ونبيه
الخـــــــط لو كان عـُـقـَـد من قــــوته بيقراه
*********
القصــــد كان الغنى م الدنيـــا له ولدين
أما الفقير فى الحياه كان والنبي مسـكين
له بنت واحــــده وكان فى رزقها عايش
واللى بيصبر يفوز بنعمــــة الصــابرين
***********

سمع الإشــــاعه الغنى لما الكلام وصله
زعل من أخوه الفقير وبسره راح وصله
قاله دا ابنى غنى وح أجـــــوزه فقيره ؟؟
كسر بخـــــاطر أخـوه وقوام نسي أصله
**********
أبو البنيـّـه انحســــر م الدنيا وعذابهــا
لأنه لإيديه وقــّـف بنــــته وقفل بابهــــا
ويعمل إيه بعد ما شــــاع انها لمحروس
سوق البنيــّــه وقف وضاعوا خـُـطابهـا
********

الأم من وقتهــــــا ويا الهمـــــــوم باتت
والبنت مسكينه مش داريه بالسنين فاتت
وأبوهـــــا م الفكر سلــّـم للمرض روحه
والأم من حزنهــــا على بنتهـــــا : ماتت
***********
مبروكه صبحت وحيده فى قلب عشتها
وربنــــا معاهــــــا ومحللى عيشتهـــــا
الصبح تطلـــــع مع بنــــات البلد تزرع
والأجـــره يادوب للقمتهـــــا وهدمتهـــا
**********

لكن إلى عمـّــها نرجـــع بمرجـــوعنــــــــا

عشان نشوف العجب ونمشي فى موضوعنا

لا رق قلبه الحديد على بنت أخـــوه ولا قــال

دى لحمنــــا طبعــا واللى يصيبهــا ح يوجعنا

**********

محروس دا كان فى البلد د*** مع الشبان

فارد قلوعــــه وعامل واد من الأعيـــــان

على بنت عمـّــه لا يوم يعطـــف ولا يسأل

وبس يصــــرف على الشيشــه وع الدخــان

*********

على عكس أخوه مصطفي عاقل وذوق ونبيل

عنـــــده مـــروءه ومتعلـــم كتيـــر وقليـــــــل

يعرف مقـــــــــام العصب ويقــــدر المعروف

ويعرف ان الحيـــــاه فـــــانيه ومتاعهـــــا قليل

**********

وف ليله مبروكه قاعده لوحدها فى الدار

لا أم تعطـــف ولا كلمـــه تطفــــي النــار

الباب خبط قلبهــــا م الخوف وقع علشان

لا جـــاره بتجيهــــا ولا خــــاله ولا زوار

*********

وف ليله مبروكه قاعده لوحدها فى الدار

لا أم تعطـــف ولا كلمـــه تطفــــي النــار

الباب خبط قلبهــــا م الخوف وقع علشان

لا جـــاره بتجيهــــا ولا خــــاله ولا زوار

*********

فتحت لقت مصطفي شايل حاجات وحاجات

استغربت لمـــا شـــافت فى ايديـــه اثبــــات

وقالهــــا النبي قـِـبل الهـــديه ودى هــــــــديه

قالت لأ قال يا بنت عمى دا احنا سوا
اخوات

********

بكت قوام قال لها مش عايزه تشوفينى ؟

قالت له مستغـــربه ع الســـرّ رسـّــينى

عمى افتكرنى ؟؟ دا عُـمْرُه كله ناسيني

قالهـــا كلامــــــك يا مبــــروكه يبكينى

***********

قالت له يا ابن عمى المركبه بتسيــر

والعبد فى الفكــــر والرب فى التدبير

ما ازعلش من عمى ليه ربي خالقنى

من فضله يسعد وقادر يغنى كل فقير

*************

قال مصطفي خللى للهموم دى حدود

ليه تبكى بالدمع دبلتى العيون الســود

أنا ابن عمــــــك وف عيونى أخبيكى

وما تشيليش الهم طول ما أنا موجود

*****

قالت له يا ابن عمى ربنـــا يرضيـــيك

وف كل خطوه تلاقي السعد بين أياديك

وينجحك روح يكفيك شـــر كل شيطـان

وتبقي ضــابط كبير والقلب يفــرح بيك

********

محروس شيطانه غواه ماشي فى مهيصته

عايش عـِـواله على أهلـــــه بمهيصتـــــــه

لكن أخــــــوه مصطفي عاقل جدع موزون

تقي وصــــــالح من المسجـــــــد لمدرسته

**********

وف ليله ع القهوه كان محروس مع اصحابه

والشيشــــه د***ه أصــل السهــــره لحسابه

قام شاب قال يا اخـــــوانى مبروكه باركولى

بكره أهلى ح يروحـــــــو لهــــا يكتبو كتابه

***********

محــروس سمع كلمته دمـّه غلى غليان

وراح على البيت وقلبه م الخبر تعبــان

وقال لأبوه بابا مبــروكه ح تتجـــــــوز

أحمد ســلامه الفقير اللى ابـــوه عريان

**********

قام رد أبوه قال لــه يا ابنى شئ ما يعنيناش

لو كان ياخــدهــا الولد أو مـا ياخــدهــــاش

قام قاله محـروس ودا يا ابويا اسمــه كلام ؟

بقي بنت عمى ح تتجوز وما تشورناش ؟؟

*******

وردت أمه وقالت له انت زعـــلان ليه

بكره ح نجوزك بنت الطحــــــاوى بيه

محروس قوام صدها وزعق بقوه وقال

هو احنا فى ايه يا أمى وإنتى فى إيه ؟؟
**********

م الليله دى والمنام خاصم عيون الشاب

وشئ فى قلبه مربي له سهــــر وعذاب

وحب يسأل ويتأكد من الأصحـــــــاب

قالو له بيروح لها ليلاتى يدق البــــــاب

**********

محروس عليه الهموم زادت مع الأفكار

وكل ليلــــه على بابهــــا يقف ونهــــــار

عشــــــان يشوف اللى داخــــل لمبروكه

يديه جـــــزاؤه ولــو يضربـــــه بالنــار

*****

مرت شهــــور والولد عامل ولا دريان

م المغــــربيه يقف لمـــا النهــار بيــبان

والحـــب فى قلبـــــه كل يـــوم بيــــزيد

أصل المحبه على العاشق يا ناس بتبان

***********

مبروكه فى بيتها ولا شئ على بالها

ومسلمـــه أمرهـــا للى نشـــا جمالها

سبحــــانه خالقهــــا وبفضله يرزقها

والعلـــم عنده وقسمتهــا شايلهــا لها

**********