اسهل الطرق لحفظ الثوم

توجد ثلاث طرق لتخزين وحفظ الثوم اختارى الطريقة اللى تناسبك

الطريقة الاولى

وهى الفرم أو الهرس

ويعبأ فى برطمنات زجاج ويحفظ فى الفريزر
مع ترك فراغ فى البرطمان علشان مايفرقعش
وكمان ممكن تحطى الغطا بتاع البرطمان من غير ماتلفيه
وحطى البرطمان فى كيس نايلون لمدة يومين لغاية ماالثوم
ياخد وضعه فى البرطمان وبعد كدة شيلى الكيس واقفلى الغطا

عيوب هذه الطريقة
1 - فقد جزء من القيمة الغذائية للثوم
2 - بتخلى ريحة الفريزر كله ثـــــوم



الطريقة الثانية

تفككى راس الثوم وتحطيه فى برطمنات بنفس الطريقة السابقة
ولما تخرجيه حايتقشر معاكى بسهولة جدا حاسيبقى عامل زى
الترمس لما تيجى تقشريه شفتوا سهلة ازاى


الطريقة الثالثة

ودى أسهل الطرق وأنا باستخدمها
انك تحطى راس الثوم كما هى
بس المرة دى حاتحطيها فى كيس نايلون وفى الفريزر


[



ودة
بدل ماتعقدى تفصصى أو تفرمى
وتتعبى نفسك والنتيجة رووووووعة
والله العظيم حاترتاحى جدا وحاتقشرى الثوم
بسهولة

حاتخرجى راس الثوم وتتركيها دقيقتين وتفصصيها بكل سهولة

وده شكله بعد ماتفصصى كأنه طازج




ميزة الطريقتين الثانية والثالثة

1 - الاحتفاظ بالقيمة الغذائية بالثوم
2 - مش حتلاقى ريحة فى الفريزير خالص

*********

يارب يكون الموضوع عجبكم

الطريقة الثالثة امي تستخدمها في البيت طريقة ممتازة والثوم يحافظ على حالو حتى لو طول الفرق الوحيد الي تلاحظي بعد مدى طويلة انو لونو صفر شوي بس لكن الطعمة مثل ما هي
تحياتي للجميع